مشاركتي في مسابقة شاف الجلفة الحلويات

السلام عليكم ورحمة الله وبركاته
تحية عطرة طيبة للجميييييييع
هذه مشاركتي البسيطة في الحلويات واللي كان مكونها الاساسي هو الكوكاو
راح نستغل الكوكاو في كل مرحلة من المراحل
تابعوا معي
نحتاج كاس كوكاو مرحي + ملعقتين فرينة +ملعقة نشاء + ملعقة صغيرة خميرة الحلوى وملعقة صغيرة فاني + اربع بيضات ونص كاس سكر ناعم + اربع ملاعق كبيرة زيت

نخفق البياض مع نصف كمية السكر ونخفق الصفار مع النصف الاخر للسكر ثم نضيف الزيت
نمزج الخليطين ونضيف الكوكاو والفرينة والنشاء والخميرة والفاني وزاست ليمون

نضع الخليط في بلا فيه ورق زبدة

نطهيه في الفرن مدة قصيرة مثل السويسرول وبعد ما نخرجه من الفرن نقسمه الى 3 اجزاء متساوية

من جهة اخرى نخلط نسلي مع كوكاو مرحي

حتى يصبح الخليط كثيف

ونحطه بين الطبقات ونضعه في الثلاجة يتماسك

في هذه الاثناء نحضر كريمة زبدة بالكوكاو والشكولا
نحتاج ملعقة كبيرة مرغرين بحرارة الغرفة حوالي 80غ + ملعقتين كبيرتين سكر ناعم+ 3 او 4 ملاعق كبيرة كوكاو ناعم ونخلط كل شيء مليح مليح انا استعملت الملعقة فقط

ثم نضيف للخليط شكولا ذايبة ونخليها تبرد شوية
نتحصل على كريمة كوكاو بالشكولا رووووعة

نطلي بها سطح الحلوى ونضعها في الثلاجة تبرد ثم نزينها بخطوط رفيعة بالشكولا

ناتي لعجينة التزيين وراح نحضرها ايضا بالكوكاو مرحي ناعم + عسل + صبغة بيضاء ونلم مليح ونشكل اوراق ووردات للتزيين

نجي للقلوب
كوكاو مرحي + عسل ونلم مليح ونحطهم في قالب السيليكون و ندخلهم الثلاجة يتماسكو ثم نزينهم هكذا

من جهة اخرى نطلي ورق زبدة بشكولا بيضاء فوقها خطوط شكولا سوداءونذري عليها الكوكاو لماتجف نقعها هكذا

قسمت الحلوى الى 3 قطع كبيرة وزينتها بعجينة الكوكاو وحبيبات فضية كبيرة

لاحظوا هنا الطبقات

وهاهي النتيجة

عن قرب

هنا لما قسمتها