مبرجة من مطبخي
نخدم 250غ مرغرين كالمرهم
نضيف نصف كيلة زيت
ثم كاس حليب بارد
نخلط جيدا
ثم نضيف 4 كيلات سميد احرش + كيلة بعلبة المرغرين فرينة ملح وخميرة نتاع حلوى
نعجن لنتحصل على عجينة طرية
نقسمها على اثنين ونوجد الغرس معجون بماء زهر زيت وخميرة حلوى وجلجلانية بعد ما نقيه ونفوروه
نخلط شوية سميد احرش مع زيت
نبدا نحل القرصة الاولى ونحل الغرس بجانبها
نقلب الغرس على القرصة الاولى ونزيد نحل القرصة الثانية
نضع فوقها السميد المخلوط بالزيت ونسوي السطح ونحلها كبيرة على سمك 1 سم
نقطعها هكذا
نطهيها في طاجين طين او حديد
وتقدم بالصحة والهناء
بقلم ام رامي
السلام عليكم ورحمة الله وبركاته زوار مدونتي الافاضل اتمنى ان تقضوا احلى الاوقات رفقة وصفاتي البسيطة وان تنال اعجابكم ورضاكم . وان يكون لها نصيب في مطابخكم. ولا تنسوني من صالح دعواتكم. اختكم في الله ام رامي.
25 التعليقات :
يعطيك الصحة حبيبتي شهيتينا
يسلموووووووووووووووو
كون نقولك تضحكي عليا :
العام اللي فات في الربيع شريت حوايجها باش نطبقها وقلت لماما والو العام هذا انا اللي نديرها وحدي وكان عرس اختي في الربيع هرجنا معاه والله ماذاقوها خخخخخخخ
ومن العام اللي فات السمن راهو مخبي خخخخخ ضرك راهو رجع دهان ههههه
بصح العام هذا بحول الله نجربها فقط حبيت نسقسيك على اللي يدرو فيها عصير برتقال يقولو جي روعة واش رايك وين نديرو في العجينة ولا الغرس ولا في زوج؟
ههههههههههههههههههههه لهلوبة من العام اللي فات والمبرجة نتاعي ما طبقتيهاش اواه لازم لك غرامة وما ديريهاش بالدهان نتاعك اخدميها بلابال وعصير البرتقال مليح يعطي نكهة بصح الحليب يطري اكثر اخلطيهم مع بعض عصير وحليب والغرس يتفور وتحطي فيه المعطرات وشوية زيت وخميرة برك
يعطيك الصحة ام رامي
الله يسلمك اختي
يعطيك الصحة راني معولة عليها السنا نديرها بطريقتك ان شاء الله ننجح فيها
ما شاء الله عليك
يعطيك الصحة ام رامي جربتها 2 مرات ونجحت فيها ربي يحفظك
ممممممم
ربي يحفظك
انتظري تطبيقي في المنتدى ان شاء الله
ام سامي 15
اهلا اهلا ام سامي نتاعنا نورتيني والله
يعطيك الصحة الاخت أم أماني
اعتذر باش نكتب ام رامي كتبت ام اماني
الله يسلمك اختي
رووووووووووووعة تهبللل بلبل
يعطيك الصحة يا لحبيبة
يعطيك الصحة اختي جربتها و خرجت هاااااااااااااااااااااااااااااااااااااايلة
بارك الله فيك
يعطيك صح يا ام رامي على مبرجة انا ام منال ووئام
يعطيك الصحة، و الله أبهرتيني هاذي أول مرة ندخل للمدونة تاعك راني دااااااهشة هههههههههه
ما علابالكش شحال راكي معاونتنا و مدايرة فينا مزية كبيييييييييييييييييييرة
الله يهنيك و يعطيك صحتك
شهتيني حتى انا طيبتها وجت مليحة بصح ماشي كيف نتاعك
٠جربت لبراج جاتني رووووووعة
اروع براج هي براجك يا ام رامي
انا سهام العنابية لك كل الحب والخير
السلام عليكم
لم استطع ان أنام قبل ان اكتب تعليقي على هاذ المبرجة الروعة جربتها اليوم و جاتني روعة
ربي يبارك في صحتك و أولادك و يكثر أفكارك التي شخصيا استفدت منها كثيرا
انا جربتها بعد ماشفتها في منتدى الجلفة وجاتني هايلة من هذيك وانا معتمدة طريقتك يعطيك الصحة على مجهوداتك
habite ns9sik smide lahrach houwa smide khchine
السلام عليكم
ام رامي حبيت نسقسيك واش رايك لي يديرو فيها كوكاو (قصدي في العجينة ماشي في الغرس)
إرسال تعليق
ملحوظة: يمكن لأعضاء المدونة فقط إرسال تعليق.