مقروط السيقار المقلي
المقادير
الكيلة اللي استعملتها هي علبة المرغرين نتاع رطل
كيلتين سميد احرش يعني دشيشة نتاع مقروط + كيلة فرينة + ملعقتين كبيرتين جلجلان محمص ومرحي + ملح وشوبة خميرة كيميائية
كيلة ناقصة شوي مرغرين ذايبة وباردة استعلت لابال
نسكب المرغرين وسط المكونات السابقة بعد ما نخلطها مع بعض
نحك بالايدي مليح
نلم بماء زهر بالاصابع ثم نرطب العجينة باستعال كف اليد ولازم تكون طرية لانها راح تنشف بعد ما تريح
نغطيها بكيس نايلون ونخليها ترتاح 20 د
في هذه الاثناء نحضر الغرس بالطريقة المعتادة ونشكله حرابيش رقيقة بسمك قلم الرصاص
نبدا العمل نفرش نايلون ونحط العجينة ونغطيها بنايلون ونحلها رقيقة حوالي 2ملم
نقص بالسكين الحاشية ونحط حربوش الغرس
باستعمال النايلون نلف لفة ونغلق مليح
ونزيد اللفة الثانية ونقطع العجينة بالسكين
بالاستعانة بالنايلون دائما نملس سطح العجين ونممد فيه اذا كان الحربوش غليظ
نواصل العملية بنفس الطريقة حتى ننتهي من العجينة
نقطع الحبات على شكل سيقار هكذا
ثم ننقشها
انتهينا من العملية ولازم الحبات يكونوا مغطيين باه ما ينشفوش وما تتشققش العجينة
نقلي المقروط في زيت غزير بلا ما نقلب الحبة يعني تطيب من تحت ومن فوق في نفس الوقت
نخرجها لما تكتسب اللون الوردي
نخليه يبرد مليح ثم نخبيه في بورت مونجي
التعسيل يكون عند التقديم
لازم العسل يكون دافي وثقيل نوعاما مثل نتاع الزلابية مش شاربات
لازم العسل يكون دافي وثقيل نوعاما مثل نتاع الزلابية مش شاربات
نرش بالجلجلان ويقدم
سلااااااااام
بقلم ام رامي
السلام عليكم ورحمة الله وبركاته زوار مدونتي الافاضل اتمنى ان تقضوا احلى الاوقات رفقة وصفاتي البسيطة وان تنال اعجابكم ورضاكم . وان يكون لها نصيب في مطابخكم. ولا تنسوني من صالح دعواتكم. اختكم في الله ام رامي.
7 التعليقات :
يعطيك الصحة اختاه
بارك الله فيك اختي ام رامي على هده الوصفة
تعيشي اختى الصور ماشى واضحة
للاسف لايوجد الصور اتمنى نشوفها
لا توجد الصوراختى ام رامى ياريت اصلاح العطب
رائعة ولكن انا يتفتتلي دائما
ااصور موجودة وواضحة
إرسال تعليق
ملحوظة: يمكن لأعضاء المدونة فقط إرسال تعليق.