خبزات باللحم والكريمة

السلاااام على الاحبااااااب
بما انه احنا في فصل الصيف ونحبوا الاكلات الخفيفة والعجائن المحشوة
اليوم نقدم لكم خبزات محشية باللحم والكريمة
اترككم مع المقادير والطريقة
بالنسبة للعجينة
2كاس فرينة + ملعقتين كبيرتين نشاء يعطيها خفة وهشاشة +فنجان قهوة زيت + بيضة + ملح + 3ملاعق صغيرة خميرة الخبز + ملعقتين صغيرتين سكر
  نخمرها ثلاث مرات بعد ما نفشها في المرة الاخيرة نحللها على الطاولة ونتركها ترتاح قليلا ثم نقطع وردات كبيرة ...اذا قطعتيها مباشرة راح تتكمش الوردات وما يجيش شكلها مليح ..

نلم بقايا العجين والحواشي نعجنوهم قليلا ونقسم العجينة على 12 كرية
ندهن قالب المادلان بمرغرين طرية ونرش فرينة وننفض الزائد من الفرينة ونفرش العجينة هكذا مع تقبها بالشوكة ..حاولي ترققيها ..

نضع الكريمة في كيس التزيين ونحط في كل قطعة من العجين شوية من الكريمة  

نحضر كريمة الفرماج بخفق بيضة بالباتور ثم نضيف كاس حليب وملعقتين كبيرتين نشاء وملح ونخلط ثم نضع الخليط على النار ونضيف كاس اخر حليب مع التحريك المتواصل حتى تعقد
نبعدها عن النار ونضيف الفرماج حسب الرغبة 3 او 4 حبات ونخفق بالباتور حتى تصبح ناعمة 

ثم نضع الحشو اللي هو لحم مفروم طايب او دجاج او طون او مرقاز حسب الموجود عندك في البيت

 انا اضفت شوية كاشير وفلفل حار

 ثم الكريمة ونحاول نغطي الحشو جيدا باه ما ينشفش في الفرن

 ثم نضع الوردات ونثقبهم

 ثم حبات زيتون وندهنهم بخليط من صفار بيضة + سكر + حليب سائل

 خليهم يخمروا مليح واطهيهم وحمريهم من فوق
وهاهي جاهزة

شهية طيبة