السلام عليكم ورحمة الله وبركاته
اليوم نقدم لكم طريقة بسيطة وسهلة جداا لتحضير عصير البرتقال والجزر
الصور توضح جميع المراحل
وكمية السكر حسب الرغبة
الوصفة ليست لها مقادير مضبوطة عينك ميزانك
نقطع الجزر مع حبتين او ثلاث برتقالات بقشورهم
ونخليهم يطيبوا مليييح
نقشر باقي البرتقال
ولما ينضج الجزر ونضيف البرتقال المقشر مع كيلو سكر
ونخليهم على نار هادية
ولما ينضج الجزر ونضيف البرتقال المقشر مع كيلو سكر
ونخليهم على نار هادية
هنا طابو نرحيهم في الروبو ملييح
نضيف لهم الماء اللي طابو فيه ونصفي في سيار كبير احسن من صفاية صغيرة
ونعاودوا نرحيوا اللب اللي بقا
ونعاودوا نرحيوا اللب اللي بقا
نضيف الماء انا جاني سبعة لتر
ونضبط الحلاوة
ونضبط الحلاوة
بامكانكم اضافة ياورت طعم الخوخ علبة لكل قارورة
او عصير ليمون حسب الرغبة
ويقدم باااارد
او عصير ليمون حسب الرغبة
ويقدم باااارد
اتمنى يعجبكم العصير
بقلم ام رامي
السلام عليكم ورحمة الله وبركاته زوار مدونتي الافاضل اتمنى ان تقضوا احلى الاوقات رفقة وصفاتي البسيطة وان تنال اعجابكم ورضاكم . وان يكون لها نصيب في مطابخكم. ولا تنسوني من صالح دعواتكم. اختكم في الله ام رامي.
27 التعليقات :
والله تقول طليتي على قلبي كنت رايحة نديرو البارح ومالقيتش عندي اللوازم قلت نشريهم اليوم لعشية
بصح حبيبتي مافهمتش أين الشرح ؟
حقة انا إلهام07
اهلا لهلوبة تعلمي تفهمي من الصور كي نفرغ نكتب الشرح اوكي
أم رامي طولتي عليا راني قرعجت مليح على الصور انا واختي الصباح خخخخخخخخخخخخخ
هاني درت القلب وطبقو وجا فوووووووووووووووووور
ألف شكر حبيبتي مواح
يعطيك الصحة أخت أم رامي دايما نستفادوا من وصفاتك
زدت عاودتو البارح وماشفتش باللي حطيتي الشرح وععععععععععع
تعرفي مافهمتش باللي البرتقال المقشر طيبيه أنا ارحيتو مباشرة والله هبلني ماحبش خلاص يترحى مليح وارواحي أنت وفوتيه في الصفاية خخخخخخ
رحيتو في الروبو وعاودتو في الرحاية نتاع اليد ومن بعد صفيتو وزدت معاه عصير 3 ليمونات كبار و 3 علب ياوورت جا تحححححفة ودارلي فقط 5 لتر في المرتين لانو الموصايب عندي يحبو العصير ثقيل
في المرة الثانية البرتقال اللي مقشر عصرتو باش نهني راسي من الصفاية هكذاك وصراتلي شيطة تعرفي الجزر كأنه خشب ماحبش لا يطيب لا يترحى هبلني
صح هرجت الكوزينة مقلبة بصح النتيجة عصير رااااااائع
ربي يخليك لينا مواح ليك
كل اطباقك قمة ام الاء
شكرا عزيزتي ام الاء
هههههههههههههههه البرتقال الطازج يعطيك كمية عصير قليلة وصعيب في الرحي اما الطايب بالعكس يعطيك كمية عصير اكثر ويترحى بسهووووووووولة بصح لازم يكون طايب مليييييييح
تعيشي لهلوبة
الله يسلمك اختي
منورة
عاودتو البارح وحطيت كل البرتقال بالقشرة يطيب ماقشرت ولا حبة وطبعا رحيتو في الروبو ثم رحاية اليد ثم صفيتو وهذي المرة زدت معاه عصير 3 ليمونات كبار و4علب ياوورت ممزوج فراولة مممممممم جا يقتل
عندي مدة سنوات ندير عصير الجزر بدون برتقال لأنو نديرو غير في الصيف مايكونش البرتقال العام هذا رايحة ندير حالة بيه مدام الليمون والبرتقال رخاس هههههههههههههه
بصح المرات اللي فاتو وجعني ذراعي من الرحاية هذي المرة عيطت لبابا وأختي ههههه انا غير نتفرج واحد يرحي وواحد يصفي هههههههههههههه قلتلهم كيما تعرفو تشربو كيما تعاونو أختي قاتلي من هذي مانزيدش نقول ديريلنا العصير ههههههههههههههه
حبيت فقط نقولك ألف شكر والله سعيدة بزاف بهذي الوصفة والله عجب الضياف وكامل العائلة وربي يهنيك ويعطيك حتان يرضيك آمين
آمين لهلوبة وبصحتكم
بصح كامل البرتقال بقشوره يجيك شوي مر
انا نقولك طريقة حطي كلش في كوكوت واغلقي مع الماء برك بدون سكر اغلقي عليها 20 دقيقة يطيبوا زبدة ارحيهم في الروبوطولي شوي ما تحتاجين اصلا لا رحاية يد ولا صفاية جربي ورديلي
الله يعطيك الصحة يا ام رامي وصفاتك رووووعة
ما شاء الله
ماشاء الله تبارك الرحمان كلشي متقون وبطبع
ام رااامي ماشاء الله أطباقك قمة
ام رااامي انا جربت الوصفة بحميع مراحلها لكن العصير جاني شوي مر رغم اني حطيت كمية مليحة من السكر لا اعرف السبب ،،أفيدني بنصائحك وجزاك الله ألف خير
أم رااامي من فضلك أجيبيني على استفساري لأني أريد إعادة تجريب الوصفة مرة أخرى وشكرا
اختي ممكن تكوني كثرتي من قشور البرتقال طيبي حبتين فقط بقشورهم والباقي قشريهم
آآآه اوك سأجربه إذن شكرا جزيلا لك
مافهمتش كيفاش جاها الاخت العصير مر
انا عاودتو بزاف مرات وكل مرة نطيبو بدون سكر ونحط كل البرتقال بالقشرة ومايجيش مر خلاص يا أم رامي يتعبني شوية في التصفاية لانو الصفاية رقيقة بزاف عيونها نتاع فرينة بصح مايهمش النتيجة ممممممممم وخاصة ضرك وليت نبروفيتي عليهم انا غير نطيبو ونرحيه في الروبو وهوما يصفيو ربي يسهل فيهم خخخخخخخخخخ
راني نفكر كي يخلاص ضرك البرتقال في الصيف ندعاود نفس الوصفة بصح بالتفاح الاخضر الحامض بلاك يجي بنين كي نجرب نقولك
تحياتي لاحلى شاف
هههههه الهام أنت ما شاء الله عليك شيف من الكبار ،،،،ليس كحالتي هذوين راني دشنت المطبخ يخي لازم بدايتها كوارث ولا واش قلتي ؟؟ والحمد مع ام رامي رانا نجربو ونتعلم كل خطرة وجبد غلطة وغلطات ورايحة
جربتو خرجلي ذوقو كيما جو رامي ليتباع هههههه عجب اولادي مافاقوش بلي فيه الجزر لانهم ميحبوهش وصفاتك كلها ناجحا مشاء الله تبارك الله ربي يجعلها في ميزان حسناتك
شكرا استاذتنا ام رامي ربي يبارك فيك
جربت العصير...
جا هااااااايل...
حبتين برتقال كبار مع جزر خدمت قرورة عصير ههههه وحدة طيبتها ووحدة خليتها منبعد زدتها.....ورحيتهم في الرحاية و تلقائيا يصفي روحو بروحو لأنو الصفاية رقيقة...
والذوق راائع
طليتي على قلبي بهذاك العصير سيتو جا اليهبل حنونتي يعطيك الصحة
اليوم جربتو روعة في القمة وصحي و نقي
بارك الله فيك اختى ويعطيك من خيرو و يمنيك
ام انوسة
إرسال تعليق
ملحوظة: يمكن لأعضاء المدونة فقط إرسال تعليق.