قاطو هايل للعيد

السلام عليكم ورحمة الله وبركاته
 
هذا قاطو رااائع شكلا ومذاقا 


 



نبدا على بركة الله
المقادير
250غ مرغرين لابال + بيضتان + صفار + كاس سكر قلاسي + كاس نشاء + كاس كوكاو مرحي ناعم + فاني وخميرة + ملعقة كبيرة كاكاو نتاع الميزان + فرينة 

 نخبط المرغرين باليد جيدا ثم السكر ثم البيض ثم باقي المكونات حتى نتحصل على عجينة
نحللها ونقطعها بطابع مربع

 

 نطهيها في الفرن
نحضر كريمة الزبدة
نخفق صفار بيضتين جيدا ثم نضيف كاس سكر قلاسي ونواصل الخفق ثم نضيف 200غ مرغرين لابال ونخفق

 ثم نضيف ملعقة كبيرة كاكاو + كاس كوكاو مرحي ناعم

 واخيرا نذوب شكولاطة ونضيفها ونخفق كلما اردتيها متماسكة اكثري من الشكولاطة ضعيها في الثلاجة تتماسك

 ثم الصقي بها كل اثنين

 ادهني الحواف بالكريمة ومرريهم في الكوكاو او الجلجلانية 

ضعي ثلاث خطوط شكولاطة 

 اعكسيهم بثلاث خطوط من الخليط الابيض

 مقادير خليط التزيين الابيض
4 ملاعق كبيرة سكر ناعم جدا + ملعقة كبيرة زيت + ملعقة قهوة نشاء + قبضة ملون ابيض نتاع الميزان + ملعقة كبيرة الى ملعقتين حليب سائل مع الخلط بشوكة ولازم الخليط يكون ثقيل
حطيه في كيس واثقبي ثقب صغير وزيني