السلام عليكم ورحمة الله وبركاته
مرحبا بالجميع
اهلا وسهلا بكل من زار مدونتي
اتمنى تنال رضاكم وصفاتي البسيطة
اليوم راح نغيروا شكل الجينواز من الحجم الكبير الى احجام صغيرة ونتحصلوا على تورتات صغيرات بدل واحدة كبيرة
على بركة الله نبدا
المقادير
6 بيضات
كاس فرينة ونص كاس نشاء وكيس خميرة ننخلبهم مع بعض
كاس سكر
فنجان صغير زيت
نخفق البياض مع نص كمية السكر
ونخفق الصفار مع النص الثاني للسكر ثم نضيف الزيت والفاني ونواصل الخفق
واخيرا نضيف النواشف اللي هي الفرينة والنشاء والخميرة لخليط الصفار ونخلط برفق ثم نضيف البياض المخفوق ونخلط من اسفق الى اعلى
هاذه القوالب الصغيرة مصنوعة من الالمنيوم
نفرغ الخليط في القوالب
والى الفرن حتى تنضج
في هذه الاثناء نطلع كريم شانتي 100غ غبرة الشانتي مع كاس فانتا فراولة ومعطر الفراولة
نتحصل على كريم شانتي بذوق الفراولة لذيذة جداا
هنا بعد ما نضجت
نفتح وسطها بسكين ونحط شوية سوبر كريم
او مربى
ثم الكريم شانتي
ونغلق هكذا
ونزين بالكريم شانتي والسوبر كريم في الوسط
وتقدم بالصحة والهناء
هل نستطيع تبديل هدا النوع من القوالب بقوالب ورقية..و شكرااا
ردحذفجربتها خرجت ممتازة فرحو بهم اولادي الله يجعل مجهودك في ميزان حسناتك
ردحذفallah yebarek
ردحذفميرسي ام رامي الله يبارك متبعينك وين مارحتي من منتدي الجلفة للمدونة ههههه صح فطورك و راكي تووووووووووب
ردحذفيعطيكم صحا
ردحذفروعة جبتني ياسر هادي بصح تقدري ديريdes tarte جدد راني حابة نجرب لاول مرة يطييييك الصحة حنونتي
ردحذف