جريوات محشية في الفرن

السلام عليكم ورحمة الله وبركاته
اهلا بالجميع
وان شاء الله تكونوا في احسن الاحوال
اليوم نقدم لكم جريوات محشية في الفرن
الطريقة التقليدية اني نحشي الجريوات ونحمرها في الزيت ثم نلقيها في المرق حتى تنشف وتقدم
ولتفادي كثرة الزيوت حضرتها في الفرن
اترككم مع الطريقة والمقادير
حسب عدد افراد العائلة جريوات افرغيها من اللب واحتفظي باللب في الكونجيلاتور كي تعودي رايحة ديري شربة خضار مرحية استعمليه

صدر دجاج مرحي او لحم مرحي حسب الموجود اكيد متبل بالملح فلفل اسود كمون ثوم فلفل حار ودبشة مقطعين رقيق + بيضة

حضري صوص لدهن الجريوات وهي ملعقتين زيت ثوم ملح توابل

احشي حبات الجريوات وادهنيهم يالصوص

ثم ضعيهم في كيس الشواء واغلقي وقطعي زاوية الكيس لخروج الهواء والى الفرن راح تطلق ماها كي تطيب انزعي الكيس وخليها تتحمرشوية

من جهة اخرى حضري الصلصة
ضعي في قدر صغير عظام الدجاج زيت ملح توابل ثوم رند وفلفل حار

قليهم شوية على النار ثم ارحي حبة طماطم + شوية طماطم مصبرة واضيفيهم ومرقي ثم اضيفي قليل من الحشوة اللي حشيتي بيها الجريوات خليها تغلي حتى تخثار

اخرجي حبات الجريوات من الفرن وقدميهم هكذا مع الصلصة

او قطعيهم دوائر واسكبي فوقهم الصلصة

شهية طيبة