25
مبرجة من مطبخي


مبرجة من مطبخي 






نخدم 250غ مرغرين كالمرهم

نضيف نصف كيلة زيت 



ثم كاس حليب بارد


نخلط جيدا


ثم نضيف 4 كيلات سميد احرش + كيلة بعلبة المرغرين فرينة ملح وخميرة نتاع حلوى


نعجن لنتحصل على عجينة طرية


نقسمها على اثنين ونوجد الغرس معجون بماء زهر زيت وخميرة حلوى وجلجلانية بعد ما نقيه ونفوروه



نخلط شوية سميد احرش مع زيت


نبدا نحل القرصة الاولى ونحل الغرس بجانبها 


نقلب الغرس على القرصة الاولى ونزيد نحل القرصة الثانية 



نضع فوقها السميد المخلوط بالزيت ونسوي السطح ونحلها كبيرة على سمك 1 سم 




نقطعها هكذا 




نطهيها في طاجين طين او حديد 



وتقدم بالصحة والهناء 






25 التعليقات :

Unknown يقول...

يعطيك الصحة حبيبتي شهيتينا

Unknown يقول...

يسلموووووووووووووووو

Unknown يقول...

كون نقولك تضحكي عليا :
العام اللي فات في الربيع شريت حوايجها باش نطبقها وقلت لماما والو العام هذا انا اللي نديرها وحدي وكان عرس اختي في الربيع هرجنا معاه والله ماذاقوها خخخخخخخ
ومن العام اللي فات السمن راهو مخبي خخخخخ ضرك راهو رجع دهان ههههه
بصح العام هذا بحول الله نجربها فقط حبيت نسقسيك على اللي يدرو فيها عصير برتقال يقولو جي روعة واش رايك وين نديرو في العجينة ولا الغرس ولا في زوج؟

Unknown يقول...

ههههههههههههههههههههه لهلوبة من العام اللي فات والمبرجة نتاعي ما طبقتيهاش اواه لازم لك غرامة وما ديريهاش بالدهان نتاعك اخدميها بلابال وعصير البرتقال مليح يعطي نكهة بصح الحليب يطري اكثر اخلطيهم مع بعض عصير وحليب والغرس يتفور وتحطي فيه المعطرات وشوية زيت وخميرة برك

Unknown يقول...

يعطيك الصحة ام رامي

Unknown يقول...

الله يسلمك اختي

Unknown يقول...

يعطيك الصحة راني معولة عليها السنا نديرها بطريقتك ان شاء الله ننجح فيها

محبة الرسول ص يقول...

ما شاء الله عليك

Unknown يقول...

يعطيك الصحة ام رامي جربتها 2 مرات ونجحت فيها ربي يحفظك

Unknown يقول...

ممممممم

ربي يحفظك

انتظري تطبيقي في المنتدى ان شاء الله

ام سامي 15

Unknown يقول...

اهلا اهلا ام سامي نتاعنا نورتيني والله

ام شعيب يقول...

يعطيك الصحة الاخت أم أماني

ام شعيب يقول...

اعتذر باش نكتب ام رامي كتبت ام اماني

Unknown يقول...

الله يسلمك اختي

Unknown يقول...

رووووووووووووعة تهبللل بلبل

Unknown يقول...

يعطيك الصحة يا لحبيبة

Unknown يقول...

يعطيك الصحة اختي جربتها و خرجت هاااااااااااااااااااااااااااااااااااااايلة
بارك الله فيك

Unknown يقول...

يعطيك صح يا ام رامي على مبرجة انا ام منال ووئام

nina يقول...

يعطيك الصحة، و الله أبهرتيني هاذي أول مرة ندخل للمدونة تاعك راني دااااااهشة هههههههههه
ما علابالكش شحال راكي معاونتنا و مدايرة فينا مزية كبيييييييييييييييييييرة
الله يهنيك و يعطيك صحتك

غير معرف يقول...

شهتيني حتى انا طيبتها وجت مليحة بصح ماشي كيف نتاعك

غير معرف يقول...

٠جربت لبراج جاتني رووووووعة
اروع براج هي براجك يا ام رامي
انا سهام العنابية لك كل الحب والخير

غير معرف يقول...

السلام عليكم
لم استطع ان أنام قبل ان اكتب تعليقي على هاذ المبرجة الروعة جربتها اليوم و جاتني روعة
ربي يبارك في صحتك و أولادك و يكثر أفكارك التي شخصيا استفدت منها كثيرا

ام ابنائي يقول...

انا جربتها بعد ماشفتها في منتدى الجلفة وجاتني هايلة من هذيك وانا معتمدة طريقتك يعطيك الصحة على مجهوداتك

si hem يقول...

habite ns9sik smide lahrach houwa smide khchine

غير معرف يقول...

السلام عليكم
ام رامي حبيت نسقسيك واش رايك لي يديرو فيها كوكاو (قصدي في العجينة ماشي في الغرس)

إرسال تعليق

ملحوظة: يمكن لأعضاء المدونة فقط إرسال تعليق.

من مواضيعنا

 
تعريب وتطوير مدونة الفوتوشوب للعرب
مدونة ام رامي للطبخ © 2010 | عودة الى الاعلى