28
حلوة التاااااج روووعة




وصفة حلوة التاج 

 



400غ فرينة ..250 غ مرغرين ...150 غ جوز الهند مرحي ...150 غ سكر قلاسي ...2 بيض ...كيس خميرة كيميائية فاني ومبشور حبة ليمون

الطريقة بسيطة نجمع كل المقادير بالترتيب زبدة سكر بيض جوز هند فاني ومبشور الليمون واخيرا الفرينة والخميرة

نضعها في المول وما نملاهش بزاف لانها تنتفخ نطهيها

القلاساج استعملت شكولا بيضاء وسوداء نتاع الطرف كنزة

بشرتها ودخلتهاالفرن ساخن حتى ذابت اضفت للشكولا السوداء كاكاو وملعقة كبيرة زيت واضفت للشكولا البيضاء ضبغة بيضاء نتاع الميزان وملعقة كبيرة زيت

تدهني المول بالشكولا وكانك رايحة تخدمي الشكولا المحشية وتضعي حبة القاطو فيه قبل ما تنشف وتحطيه في الثلاجة تجمد ومن بعد تخرجيها فقط








28 التعليقات :

Unknown يقول...

اي نوع فرينة تستعملين...واي نوع مرغرين....ارجو الافادة بارك الله فيك اختي....حلوة التاج

Unknown يقول...

فرينة لابال وكذلك مرغرين لابال

Unknown يقول...

بارك الله فيك

Unknown يقول...

ممكن توريلي شكل المول

Unknown يقول...

اكتبي في قوقل صورة مول التاج فقط تخرج لك

Unknown يقول...

رائعة يسلم ايدك

غير معرف يقول...

تسلمي روووووووووووعة

غير معرف يقول...

لم افهم يعني لما تطيب ننزعها من المول ثم ندهن المول ونرد الحبات في المول.هكد
اختك في الله حنان

Unknown يقول...

اييييييييييييييه نعم كما راكي فاهمة

غير معرف يقول...

يعطيك الصحة ام رامي ربي حفظك و ينورك من فضلك قوليلي انا تعلمي النسا ولا تعلمي مديلي العنوان


غير معرف يقول...

يعطيك الصحة ام رامي حبيت نصقصيك ادا تخدمي قاطو الاعراس للناس ارجو الاجابة من فضلك

Unknown يقول...

اخواتي لا مانخدمش قاطو الاعراس ومانيش نعلم في النسا للاسف

غير معرف يقول...

يعطيك الصحة

Unknown يقول...

السلام عليكم
اختي ام رامي بارك الله فيك على وصفاتك الرائعة ربي يحفضك و يفرحك.
حبيت نسقسيك على الوردة و العقاش اللي ستعملتيها فوق الحلوى اللي بالاسود
صنعتيها بعجينة السكر ام اشتريتها . من فضلك اريد طريقة صنع عجينة السكر.
مشكورة اختي.

Unknown يقول...

يعطيك الصحة أختى أم رامي طبقت وصفتك لكن عندما ٱخرجت حبة قاطو من مول بعد ماوضعتها في ثلاجة مخرجليش شكل شوكولا مليح ما هو حل.؟ من فضلك إشرحي لي طريقة وضع شوكولا

غير معرف يقول...

ما شاء الله وتبارك الرحمان يعطيك الصحة امي ..ام رامي وبركة الله فيكي.

ام ريم يقول...

السلام عليكم بارك الله فيكي ويعطيك صحه

ام ريم يقول...

بصراحه انا اول اتعرف على وصفاتك عجبتني بزاف حلوة التاج شكلها روعه حبيت نتأكد تطيبي الحلوة في المول وبعد ما تطيب ترجعي تحطيها شكوﻻ و تحطي الحلوة باش تاخذ la forme

غير معرف يقول...

الله يعطيك الصحة

غير معرف يقول...

وماذا عن طريقة التزيين ????

غير معرف يقول...

يعطيك الصحة ..بصح حبيت نسأل : نقدر نغطسهم في الشوكولا مباشرة دون إرجاعهم في المول ديال السيليكون؟

hiba يقول...

هدي صورة للوصفة جربتها في بيتي
https://fbcdn-sphotos-e-a.akamaihd.net/hphotos-ak-xap1/t1.0-9/10494689_346542058826730_5726439140430884098_n.jpg

غير معرف يقول...

YA3TIK SAHA GED MA JRIT MA LHAGTEKCH HHHHHHHHHHHH RABI YAHFEDLEK RAMI

غير معرف يقول...

أختي أم رامي لدي سؤال:
هذه الحلوى جربتها ورائعة لكن هناك مشكل
عندما أحتفظ بها في مكان ما تذوب الشوكولا ولا استطيع لمسها بيدي
تذوب الشوكولا لفترة قصيرة
وعندما اضعها بالثلاجة تظل الشوكولا جيدة لكن تيبس الحلوى
ما السبب ؟؟ وما الحل ؟؟ ماذا أفعل كي اتعامل معها .. أرجو الرد

غير معرف يقول...

ربي يحفظك ويحفظلك لولاد ويعطيك
ماتتمناي

غير معرف يقول...

السلام عليكم ام رامي راني جربتو
وخرجلي روعة روعة يعطيك الف صحة
انا salima14

غير معرف يقول...

يعطيك ألف صحة

غير معرف يقول...

يعطيك الصحة ام رامي بارك الله فيك
فكرتيني بفيلم جولي و جوليا الامريكي بهذه المدونة الرائعة....ربي يحفظك

إرسال تعليق

ملحوظة: يمكن لأعضاء المدونة فقط إرسال تعليق.

من مواضيعنا

 
تعريب وتطوير مدونة الفوتوشوب للعرب
مدونة ام رامي للطبخ © 2010 | عودة الى الاعلى