15
قلـــــب اللـــــــــوز


السلام عليكم ورحمة الله وبركاته
اليوم نقم لكم طريقتي في تحضير قلب اللوز واللذي لا تكاد مائدة في رمضان تخلو منه
بطرقتي هذه تستغني عن الميزان وديري الكمية اللي تحبيها صينية كبيرة او صغيرة بلا ما تحيري في المقادير

نحتاج دشيشة كبيرة اي خشينة قد حبات الكسكس وهي الامثل لقلب اللوز





ضعها في الصينية المراد الطهو فيهابارتفاع 1 سم اختاري الحجم بنفسك صينية صغيرة او كبيرة كيما تحبي


نفرغ الدشيشة ونكيلها اي نقسمها على اثنين وكل جزء يعتبر هو الكيلة


نكيل 1 كيلة سكر




+ ربع كيلة زيت ونحك جيدا بلا ما ننسى شوية ملح وفاني



+ نصف كيلة ماء زهر ونخلط من اسفل الى اعلى


نضع الخليط في كيس حتى يتشرب جيدا وبلا ما ننسى ساعة على ساعة نقلب الكيس لان الزيت والماء يهبطوا لاسفل
نترك الخليط يبات ليلة ا و نصف يوم


في الغد نفتح الكيس ونزيد نرش الخليط بشوية ماء زهر وزيت قليل فقط + ملعقة قهوة خميرة كيميائية
نضع الخليط في الصينية ونملس سطحه بالملعقة دون الضغط كثيرا


نطهيه في فرن ونحمره من فوق


الشاربات لكل كاس سكر 2 كاس ماء
انا استعملت 2 كاس سكر + 4كؤوس ماء + قطعة ليمون خليتهم يغليو 20دقيقة عندما بردت الشاربات اضفت حوالي كاس ماء زهر

فور خروج القلب اللوز من الفرن اسقيه بالشاربات وتكون باردة


ثم غطيه بصينية فرن اكبر منها وارجعيه للفرن طافء وخليه على الاقل 6 ساعات
قبل التقديم زيدي رشيه رشه خفيفة بماء الزهر


شهية طيبة

15 التعليقات :

Unknown يقول...

هي طريقة سهلة لكن حبيت نسقسيك اذا نحمص السميد او دشيشة كيما قلتي قبل ما نبدا نخدم فيها ارجوك جاوبني حابة نعملها

Unknown يقول...

لا اختي الدشيشة تبقى كما هي ما تحمصيهاش

عفاف يقول...

شكرا جزيلا اختي ام رامي لقد تعلمنا منك الكثير من الوصفات الناجحة وهذه الوصفة الخاصة بقلب اللوز جريتها وخرجتلي روووووعة ربي يجازيك كل الخير ويخليلك رامي

غير معرف يقول...

شكر لك على هده الوصفات اختي بارك الله فيك حبيت نعرف واد ممكن ندير الزبدة بدل الزيت

charifa cuisne يقول...

تبارك الله عليك ام رامي ..ياريت تنزل المقادير بالجرام لاني ماعرفتش الكيلة

اختك شريفة

charriffa-akalat.blogspot.com

أم أحمد عبد الصمد يقول...

شكرا لك حبيبتي كل وصفاتك نجريها و عينيا مغمضين
ربي يحفظك و يسجيلك جنانك

Unknown يقول...

بارك الله فيك أختي جربتها و جات هايلة

مايسة يقول...

اختي واش تقصدي بالدشيشة وين نلقاها ةكي نشري سميد نسيرومافيهش الخشين لي كيما في الصورة هل هو يتباع في المحلات باسم الدشيشة ولا كيفاه من فضلك جاوبيني حابة صح ندير الوصفة ديالك عجبتني بزافو دايما نلقى اسم الدشيشة في وصفات قلب اللوزو شكرا

fullq foofoo يقول...

صح رمضانكم وتقبل الله منا ومنكم شكرا حبيبتي علي كل هده الوصفات الرائعة واللديدة

غير معرف يقول...

سلام عليكم ام رامي قلب اللوز ماصدقليش جربت قاع الطرق يخرج ديما ناشف ويابس معرفتش اشنو هو المشكل وياريت لو حطيت المقادير بالكيله باش نعرف

غير معرف يقول...

السلام عليكم رمضانك بالصحة والهنا عليك وعلى مولا بيتك ممكن تعطيني المقادير بالغرام الي معتمدة عليها انا فهمت طريقة شرحك بس حبيت اذا كانت السنيوة كبيرة الشاربات شحال يلزملي ولك مني الف تحية

غير معرف يقول...

بارك الله فيك على هذه الوصفة جربتها لأول مرة ونجحت

Unknown يقول...

السلام عليكم اختي الفاضلة جربت شحال من وصفة للشامية حتى نتاع اللبن وماعجبتنيش غير هادي نتاعك وفي رمضان كنت نديرها غي هي بارك الله فيك مشكورة

إكرام يقول...

دايما نروح للأنترنت ونبحث على وصفة قلب اللوز وجربت شحال من خطرة... لي نشوفها نجربها ....وكامل منجحوليش ...إلا هاذي جربتها ونجحتلي 100 بالمئة الله يجزيك ألف خير شكرا .

h tindouf يقول...

okhti jarbatou wnjahalha jaha foor daret 1200 g yani kilo w 200g walmakadir lokgra bel kass

إرسال تعليق

ملحوظة: يمكن لأعضاء المدونة فقط إرسال تعليق.

من مواضيعنا

 
تعريب وتطوير مدونة الفوتوشوب للعرب
مدونة ام رامي للطبخ © 2010 | عودة الى الاعلى