27
عصير البرتقال والجزر



السلام عليكم ورحمة الله وبركاته 
 اليوم نقدم لكم طريقة بسيطة وسهلة جداا لتحضير عصير البرتقال والجزر 
 الصور توضح جميع المراحل 
 وكمية السكر حسب الرغبة 
الوصفة ليست لها مقادير مضبوطة عينك ميزانك 



كمية من البرتقال اكثر من الجزر شوية 


نقطع الجزر مع حبتين او ثلاث برتقالات بقشورهم



 ونخليهم يطيبوا مليييح

نقشر باقي البرتقال 
ولما ينضج الجزر ونضيف البرتقال المقشر مع كيلو سكر 
ونخليهم على نار هادية 

هنا طابو نرحيهم في الروبو ملييح 


 نضيف لهم الماء اللي طابو فيه ونصفي في سيار كبير احسن من صفاية صغيرة 
ونعاودوا نرحيوا اللب اللي بقا 



 نضيف الماء انا جاني سبعة لتر 
ونضبط الحلاوة 

 بامكانكم اضافة ياورت طعم الخوخ علبة لكل قارورة 
او عصير ليمون حسب الرغبة 
 ويقدم باااارد




اتمنى يعجبكم العصير

27 التعليقات :

ILHEM ACHOUR BOUAKEZ يقول...

والله تقول طليتي على قلبي كنت رايحة نديرو البارح ومالقيتش عندي اللوازم قلت نشريهم اليوم لعشية
بصح حبيبتي مافهمتش أين الشرح ؟

ILHEM ACHOUR BOUAKEZ يقول...

حقة انا إلهام07

مطبخ ام رامي يقول...

اهلا لهلوبة تعلمي تفهمي من الصور كي نفرغ نكتب الشرح اوكي

ILHEM ACHOUR BOUAKEZ يقول...

أم رامي طولتي عليا راني قرعجت مليح على الصور انا واختي الصباح خخخخخخخخخخخخخ
هاني درت القلب وطبقو وجا فوووووووووووووووووور
ألف شكر حبيبتي مواح

Houda Nour يقول...

يعطيك الصحة أخت أم رامي دايما نستفادوا من وصفاتك

ILHEM ACHOUR BOUAKEZ يقول...

زدت عاودتو البارح وماشفتش باللي حطيتي الشرح وععععععععععع
تعرفي مافهمتش باللي البرتقال المقشر طيبيه أنا ارحيتو مباشرة والله هبلني ماحبش خلاص يترحى مليح وارواحي أنت وفوتيه في الصفاية خخخخخخ
رحيتو في الروبو وعاودتو في الرحاية نتاع اليد ومن بعد صفيتو وزدت معاه عصير 3 ليمونات كبار و 3 علب ياوورت جا تحححححفة ودارلي فقط 5 لتر في المرتين لانو الموصايب عندي يحبو العصير ثقيل
في المرة الثانية البرتقال اللي مقشر عصرتو باش نهني راسي من الصفاية هكذاك وصراتلي شيطة تعرفي الجزر كأنه خشب ماحبش لا يطيب لا يترحى هبلني
صح هرجت الكوزينة مقلبة بصح النتيجة عصير رااااااائع
ربي يخليك لينا مواح ليك

djorf jone يقول...

كل اطباقك قمة ام الاء

مطبخ ام رامي يقول...

شكرا عزيزتي ام الاء

مطبخ ام رامي يقول...

هههههههههههههههه البرتقال الطازج يعطيك كمية عصير قليلة وصعيب في الرحي اما الطايب بالعكس يعطيك كمية عصير اكثر ويترحى بسهووووووووولة بصح لازم يكون طايب مليييييييح
تعيشي لهلوبة

مطبخ ام رامي يقول...

الله يسلمك اختي
منورة

ILHEM ACHOUR BOUAKEZ يقول...

عاودتو البارح وحطيت كل البرتقال بالقشرة يطيب ماقشرت ولا حبة وطبعا رحيتو في الروبو ثم رحاية اليد ثم صفيتو وهذي المرة زدت معاه عصير 3 ليمونات كبار و4علب ياوورت ممزوج فراولة مممممممم جا يقتل
عندي مدة سنوات ندير عصير الجزر بدون برتقال لأنو نديرو غير في الصيف مايكونش البرتقال العام هذا رايحة ندير حالة بيه مدام الليمون والبرتقال رخاس هههههههههههههه
بصح المرات اللي فاتو وجعني ذراعي من الرحاية هذي المرة عيطت لبابا وأختي ههههه انا غير نتفرج واحد يرحي وواحد يصفي هههههههههههههه قلتلهم كيما تعرفو تشربو كيما تعاونو أختي قاتلي من هذي مانزيدش نقول ديريلنا العصير ههههههههههههههه
حبيت فقط نقولك ألف شكر والله سعيدة بزاف بهذي الوصفة والله عجب الضياف وكامل العائلة وربي يهنيك ويعطيك حتان يرضيك آمين

مطبخ ام رامي يقول...

آمين لهلوبة وبصحتكم
بصح كامل البرتقال بقشوره يجيك شوي مر
انا نقولك طريقة حطي كلش في كوكوت واغلقي مع الماء برك بدون سكر اغلقي عليها 20 دقيقة يطيبوا زبدة ارحيهم في الروبوطولي شوي ما تحتاجين اصلا لا رحاية يد ولا صفاية جربي ورديلي

sersar maria يقول...

الله يعطيك الصحة يا ام رامي وصفاتك رووووعة

fifi blanche يقول...

ما شاء الله

tota malak يقول...

ماشاء الله تبارك الرحمان كلشي متقون وبطبع

Anfal Ess يقول...

ام رااامي ماشاء الله أطباقك قمة
ام رااامي انا جربت الوصفة بحميع مراحلها لكن العصير جاني شوي مر رغم اني حطيت كمية مليحة من السكر لا اعرف السبب ،،أفيدني بنصائحك وجزاك الله ألف خير

Anfal Ess يقول...

أم رااامي من فضلك أجيبيني على استفساري لأني أريد إعادة تجريب الوصفة مرة أخرى وشكرا

مطبخ ام رامي يقول...

اختي ممكن تكوني كثرتي من قشور البرتقال طيبي حبتين فقط بقشورهم والباقي قشريهم

Anfal Ess يقول...

آآآه اوك سأجربه إذن شكرا جزيلا لك

ILHEM ACHOUR BOUAKEZ يقول...

مافهمتش كيفاش جاها الاخت العصير مر
انا عاودتو بزاف مرات وكل مرة نطيبو بدون سكر ونحط كل البرتقال بالقشرة ومايجيش مر خلاص يا أم رامي يتعبني شوية في التصفاية لانو الصفاية رقيقة بزاف عيونها نتاع فرينة بصح مايهمش النتيجة ممممممممم وخاصة ضرك وليت نبروفيتي عليهم انا غير نطيبو ونرحيه في الروبو وهوما يصفيو ربي يسهل فيهم خخخخخخخخخخ
راني نفكر كي يخلاص ضرك البرتقال في الصيف ندعاود نفس الوصفة بصح بالتفاح الاخضر الحامض بلاك يجي بنين كي نجرب نقولك
تحياتي لاحلى شاف

Anfal Ess يقول...

هههههه الهام أنت ما شاء الله عليك شيف من الكبار ،،،،ليس كحالتي هذوين راني دشنت المطبخ يخي لازم بدايتها كوارث ولا واش قلتي ؟؟ والحمد مع ام رامي رانا نجربو ونتعلم كل خطرة وجبد غلطة وغلطات ورايحة

amina hawa يقول...
أزال المؤلف هذا التعليق.
amina hawa يقول...

جربتو خرجلي ذوقو كيما جو رامي ليتباع هههههه عجب اولادي مافاقوش بلي فيه الجزر لانهم ميحبوهش وصفاتك كلها ناجحا مشاء الله تبارك الله ربي يجعلها في ميزان حسناتك

غير معرف يقول...

شكرا استاذتنا ام رامي ربي يبارك فيك

غير معرف يقول...

جربت العصير...
جا هااااااايل...
حبتين برتقال كبار مع جزر خدمت قرورة عصير ههههه وحدة طيبتها ووحدة خليتها منبعد زدتها.....ورحيتهم في الرحاية و تلقائيا يصفي روحو بروحو لأنو الصفاية رقيقة...
والذوق راائع

غير معرف يقول...

طليتي على قلبي بهذاك العصير سيتو جا اليهبل حنونتي يعطيك الصحة

غير معرف يقول...

اليوم جربتو روعة في القمة وصحي و نقي
بارك الله فيك اختى ويعطيك من خيرو و يمنيك
ام انوسة

إرسال تعليق

ملحوظة: يمكن لأعضاء المدونة فقط إرسال تعليق.

من مواضيعنا

 
تعريب وتطوير مدونة الفوتوشوب للعرب
مدونة ام رامي للطبخ © 2010 | عودة الى الاعلى