7
مقروط السيقار المقلي رووعة


مقروط السيقار المقلي

المقادير
الكيلة اللي استعملتها هي علبة المرغرين نتاع رطل

كيلتين سميد احرش يعني دشيشة نتاع مقروط + كيلة فرينة + ملعقتين كبيرتين جلجلان محمص ومرحي + ملح وشوبة خميرة كيميائية





 كيلة ناقصة شوي مرغرين ذايبة وباردة استعلت لابال

 نسكب المرغرين وسط المكونات السابقة بعد ما نخلطها مع بعض




 نحك بالايدي مليح


 نلم بماء زهر بالاصابع ثم نرطب العجينة باستعال كف اليد ولازم تكون طرية لانها راح تنشف بعد ما تريح


 نغطيها بكيس نايلون ونخليها ترتاح 20 د


 في هذه الاثناء نحضر الغرس بالطريقة المعتادة ونشكله حرابيش رقيقة بسمك قلم الرصاص


 نبدا العمل نفرش نايلون ونحط العجينة ونغطيها بنايلون ونحلها رقيقة حوالي 2ملم


 نقص بالسكين الحاشية ونحط حربوش الغرس


 باستعمال النايلون نلف لفة ونغلق مليح


 ونزيد اللفة الثانية ونقطع العجينة بالسكين


 بالاستعانة بالنايلون دائما نملس سطح العجين ونممد فيه اذا كان الحربوش غليظ


نواصل العملية بنفس الطريقة حتى ننتهي من العجينة 



 نقطع الحبات على شكل سيقار هكذا 
 ثم ننقشها 



 انتهينا من العملية ولازم الحبات يكونوا مغطيين باه ما ينشفوش وما تتشققش العجينة 



 نقلي المقروط في زيت غزير بلا ما نقلب الحبة يعني تطيب من تحت ومن فوق في نفس الوقت 


 نخرجها لما تكتسب اللون الوردي 


 نخليه يبرد مليح ثم نخبيه في بورت مونجي 

 التعسيل يكون عند التقديم
لازم العسل يكون دافي وثقيل نوعاما مثل نتاع الزلابية مش شاربات 


 نرش بالجلجلان ويقدم 






سلااااااااام













7 التعليقات :

wissam mediouni يقول...

يعطيك الصحة اختاه

melih omar يقول...

بارك الله فيك اختي ام رامي على هده الوصفة

maya يقول...

تعيشي اختى الصور ماشى واضحة

غير معرف يقول...

للاسف لايوجد الصور اتمنى نشوفها

غير معرف يقول...

لا توجد الصوراختى ام رامى ياريت اصلاح العطب

غير معرف يقول...

رائعة ولكن انا يتفتتلي دائما

مطبخ ام رامي يقول...

ااصور موجودة وواضحة

إرسال تعليق

ملحوظة: يمكن لأعضاء المدونة فقط إرسال تعليق.

من مواضيعنا

 
تعريب وتطوير مدونة الفوتوشوب للعرب
مدونة ام رامي للطبخ © 2010 | عودة الى الاعلى