4 العجينة المورقة

السلام عليكم ورحمة الله وبركاته


اليكن طريقتي بالتفصيل الممل وانشاء الله الاخوات اللي ماتنجح لهم العجينة المورقة تضبط معاهم هذه المرة
المقادير
نحتاج 800غ فرينة حطيهافي الطاس واخبطي باه يخرج الهواء حتى توصلي ل800غ
500 مرغرين التوريق صالحة 

 

 نقوم بعملية تبادل بسيطة نقسم المرغرين شرائح نحط منها شريحة مع الفرينة وناخذ فنجان فرينة ونضيفه للمرغرين 

 عجن المرغرين مع الفرينة ..ونعجن الفرينة والمرغرين وذرة ملح والماء حتى نتحصل على عجينة متماسكة نغلفها بكيس نايلون ونحطها في الثلاجة حوالي ساعة 

 الان نبدا عمليات الفرد والطي نبسط قطعة نايلون كبيرة فوق الطاولة نرش شوية نشاء**نستعمل النشاء في كل مرة بدل الفرينة لانه يساعد على التوريق لكن ماتكثروش ** ونحلل العجينة وبجانبها نحلل المرغرين بوضع كيس بلاستيكي فوقها بحيث يكون حجم المارغرين ثلثي حجم العجينة

 نقلب المرغرين على العجينة 

 نطوي الجزء الخالي من المرغرين فوق المرغرين 

 ثم نطوي الجزء الاخر هكذا 

 نلفها في الكيس ونضعها في الكونجيلاتوغ 10 دقائق وتعتبر هذه المرحلة الاولى **نختصر الوقت بدل20 دقيقة في الثلاجة 10 دقائق في الكونجيلاتوغ **

 نخرجها نضع الحلالة في الوسط ونبدا نحل من الوسط الى اليمين ومن الوسط الى اليسار دائما 

 نطوي جزء اليمين الى الوسط 

ونطوي جزء اليسار الى الوسط 

 ثم الجزئين فوق بعض 

 ثم على اثنين 

نلفها في الكيس والى الكونجيلاتوغ 10 دقائق هذه المرحلة الثانية 

نخرجهاونحللها الى اليمين واليسار نقلب الجزئين الى الوسط ونطبقهم على بعضهم والى الكونجيلاتوغ وهي المرحلة الثالثة  

ونضيف المرحلة الرابعة بنفس الخطوات
وبعد 10 دقائق نخرجها ونبدا التشكيل مباشرة انا قسمتهاعلى اثنين 

 حللته بسمك نصف سم وقطعته هكذا 

 دهنت صينية بالزيت وشكلتهم هكذا 

 ثم الى الفرن المسخن بعد ما يطيبوامن اسفل نحمرهم من فوق نخرجه وهم سخونين نضع فوق كل حبة ملعقة عسل ثقيييييل ونرش الكوكاو 

شهية طيبة

بقلم ام رامي

السلام عليكم ورحمة الله وبركاته زوار مدونتي الافاضل اتمنى ان تقضوا احلى الاوقات رفقة وصفاتي البسيطة وان تنال اعجابكم ورضاكم . وان يكون لها نصيب في مطابخكم. ولا تنسوني من صالح دعواتكم. اختكم في الله ام رامي.

هل اعجبك هذا الموضوع ؟	صفحتي على الفيس بوك صفحتي على جوجل بلس الصفحة الرئيسية للمدونة