9
مشاركتي في مسابقة شاف الجلفة المقبل


تحية عطرة للجميع
هذه مشاركتي البسيطة لطبق المقبل


نبدا على بركة الله بتحضير الكريب 

نحتاج 2 كاس حليب +كاس فرينة + اربع بيضات + ملعقتين كبيرتين زيت + منكهات بما انو الكريب راح نعملوه مالح حطيت فيه كسبر ونعناع وفلفل حار وملح وفلفل اسود 

 



***


 نخلط كل شيء مع بعض ماعدا المنكهات ونصفي الخليط للتخلص من الحبيبات ثم نضيف المنكهات


 نطيبهم في مقلاه تيفال




 انهينا



 نجيو للحشو 


ركزت على حشوة بنينة وفي نفس الوقت سهلة الحمل يعني نسهلوا عليكم الماكلة

لحم ودجاج 


 نرحيهم ونتبلهم مليح ونحضر الاقماع


 نغلفهم باللحم وتكون الطبقة مليحة مش رقيقة ونستعين بالماء لتسهيل الهملية


 نمررهم في الفرينة ونقليهم ونسحب الاقماع من الداخل
 ونوجد الصوص بدون بصل ثوم وزيت وملح وتوابل وفلفل حار ورند وطماطم


نمرق وعندما تغلي نرمي فيها الاقماع باه يطيبوا مليح


بعد ما يطيبوا ننزعهم ونضيف للصوص طماطم حب وباقي اللحم


 ونخليها تغلي حتى تخثار وتصبح هكذا امممممممممم تخيلوا بنتها


 الان نجي لعملية التشكيل والتقديم 
 هاهي الاقماع طايبة 
 

 وهنا الحشو جبن وجبن مبشور ومايونيز وبيض مغلي مبشور نخلط الكل


 نحشي الاقماع مليح ونمررهم في الجبن المبشور


 نقسم كل قرصة كريب على اثنين ونلف كل قمع داخله ونمكسه بعود اسنان به حبة ذرى وزيتون اخضر ومقرونة مسلوقة


 نجي للانصاف المتبقية نضع حشو نتاع الجبن




 ثم نغطيه بالكريب ونضع الصوص


 ونكرر العملية لغاية 9 او 10 طبقات متناوبة والطبقة الاخيرة نغطيها بالجبن المبشور ونقطع هكذا



 وتقدم في صحن





وبالهناء والعافية

9 التعليقات :

hayota bendref يقول...

الله الله عليك دايما متميزة بوصفاتك الشهية

donia zad يقول...

امممممممممممممممم يعطيك 10000000000000 صحة طياب وتقديم

fati anes يقول...

يعطيك الصحة ربي يبارك فيك على كل اطباقك المميزة

jihad islam يقول...

ماشاء الله عليك منكم نتعلم سيدتي الفاضلة تحياتي

Farfar يقول...

ما شاء الله
في ميزان حسناتك
ان شاء الله

غير معرف يقول...

يعطيكي الف عافيا بصح هذا الطبق ماهوش مليح و صعيب

غير معرف يقول...

machae allah aw jay ramthane brabbi nchallah njarabha pcq plat moderne wprésentable

غير معرف يقول...

مشاء الله عليك ختي الله يعطيك الصحة الله يعطيك ويمنيك

غير معرف يقول...

ماشاءالله رااائع تسلم ايديك

إرسال تعليق

ملحوظة: يمكن لأعضاء المدونة فقط إرسال تعليق.

من مواضيعنا

 
تعريب وتطوير مدونة الفوتوشوب للعرب
مدونة ام رامي للطبخ © 2010 | عودة الى الاعلى