1
ارز بكريات الدجاج


السلام عليكم ورحمة الله وبركاته
اليوم نقدم لكم طبق الارز لذيذ مع فكرة جميلة للتقديم
نبداعلى بركة الله

نحتاج قطعتين لحم او دجاج حسب الموجود وللتزيين حمص وزيتون اخضر





الفكرة انك تطيبي المرق بقطعة وتخلي القطعة الاخرى للتزيين على شكل كريات تخلي منظر الطبق يشهي اكثر
قطعة للمرق مع حبة بصل كبيرة مفرومة + ثوم + زيت +ملح + توابل نقلي مليح نضيف الطماطم ونمرق نغلق على الكوكوت 20دقيقة

من جهة اخرى نرحي قطعة الدجاج ونتبلها مليح ونضيف بيضة وملعقة فرينة وملعقتين كبيرتين ارز طايب ونشكل كويرات نرمدهم في الفرينة ثم نقليهم



بعد ما يطيب المرق ناخذ منه حوالي مغرف نضيف اليه كمشة حمص وزيتون اخضر وكريات الدجاج المقلية ونتركهم على نار هادية حتى ينشفوا من المرق



ونخلي المرق اللي في الكوكوت يغلي حتى يصبح صلصة خاثرة وحذاري ماتكثروش الملح 



الارز
نستعمل الارز الاصفر المفور هو الاحسن


نغسل كمية من الارز حسب عدد افراد العائلة خمس مرات او ست حتى يصبح الماء شفاف


نغليه في ماء وملح وشوية زيت حتى يقترب من النضج ثم نضعه في كسكاس ونسكب عليه الماء بكثرة نميل الكسكاس ونخليه يقطر مليح مليح
نرشه بشوية ملح ونفوروه ونغطيه حتى تصبح حبة الارز كبيرة وطرية
نضع الارز في صحن ونضيف اليه مرغرين او زبدة ستار ونخلط ثم نقلب الارز في صحن التقديم


نزينه بالحمص والزيتون وكريات الدجاج وقطع الللحم او الدجاج الصحيحة


ويقدم مع الصلصة


اتمنى يعجبكم الطبق وتجربوه

1 التعليقات :

aya malek يقول...

شكرا على المجهودات المبذولة جزاك الله خيرا لاحظت انك متستعمليش البصل في المرق النتيجة تكون جيدة اريد معلومات بهذا الخصوص

إرسال تعليق

ملحوظة: يمكن لأعضاء المدونة فقط إرسال تعليق.

من مواضيعنا

 
تعريب وتطوير مدونة الفوتوشوب للعرب
مدونة ام رامي للطبخ © 2010 | عودة الى الاعلى