10
مشاركتي في مسابقة شاف الجلفة الطبق الرئيسي


السلام عليكم ورحمة الله وبركاته
اسعد الله صباحكم
هذه مشاركتي البسيطة في الطبق الرئيسي اللي كان مكونه الاساسي هو صدر الدجاج
ونشكر اللجنة على حسن الاختيار لانه صادف هبوط سعر الدجاج وامكن للجميع التفنن في هذا الطبق

هاهو صدر الدجاج جاهز لعمليات التحول






نضع 3 قطع دجاج في الروبو بعد نزع العظم ونتبله بالملح والفلفل الاسود والثوم والكسبر ونرحيه ناعم



من جهة اخرى نجهز قالب فرن ندهنه بالزيت ونرش عليه الخبز المرحي ونوجد ايضا اسطوانة البتي فور بعد نزع كامل الاكسسوارات وندهنها بالزيت



نحل الدجاج المرحي فوق نايلون ونغطيه ايضا بنايلون ونغلف القالب والاسطوانة ولازم سمك الدجاج في الاسطوانة يكون غليظ باه ما يتقطعش كي يطيب وتكون الطبقة واضحة نغلفها بالنايلون ونربطها من الجهتين ونطيبها في الماء
والباقي من الدجاج المرحي نستعملهع في حشو الاسطوانة





في هذه الاثناء نجهز حشو الاسطوانة
دجاج مرحي اللي بقالنا + بيضتين + قطعتين جبن + ملعقتين فرينة + ملح فلفل اسود كمون ثوم هريسة
ونرحيهم كامل في الروبو



ثم نضيف زيتون اخضر



هنا الدجاج طاب نحرك الاسطوانة باه تسهل عملية السحب لكن ما نسحبوهاش



نضع الاسطوانة في كيس سباقيتي او كيس عادي ونربطها ونملاها بالحشو ثم نسحب الاسطوانة ونغلق الكيس ونرجعها تطيب في الماء
العملية سهلة جداا



وهاهو بعد ما وجد يقطع شراائح دجاج محشي بالدجاج
امممممممممممممممممم لذيذ جداا وحااار






بالنسبة للدجاج المتبقي نقطعه قطع صغيرة ونحط معاه العظام ونتبله تتبيلة مليحة زيت ثوم ملح توابل رند فلفل كرفس هريسة كيما تحبوا
نقليه مليه نمرق بكا س ماء ونخليه يطيب على نار هادئة



بعد ما يطيب نترك قليل من الدجاج مع الصوص نرحيه ونتحصل على صلصة دجاج رااائعة تشوفوها في الاخير



والباقي من الدجاج الطايب نستعمله كحشو للقالب مع اضافة الجبن مثلثات وجبن مبشور +كسبر وفلفل حار
و3بيضات نتبلهم بالملح والثوم والفلفل الاسود وسر صغيير هو شوية فرينة وخميرة الحلوى باه يجي خفيف



نمزج جميع المكونات ونضعهم في القالب وندخله للفرن



انتهينا صار كل شيء جاااهز
والان مرحلة التقديم
بعد ما نخرج القالب من الفرن نزينه بالجبن المبشووووور ووردات من اللفت والجزر ووريقات كرفس لكسر الاوان الباهتة ويقدم












لاحظو صوص الدجاج ما الذها اممممممممممممممم





10 التعليقات :

arwa ta يقول...

يعطيك الصحة أختي أم رامي عجبتني الطريقة بزاف لكن ماعنديش أسطوانة كيما تاعك هل ممكن بديل -أنتظر ردك -وشكرا على كل ما تقدميه جربت شحال من وصفة ومن وصفاتك وجاو هايلين سلمت يداك

مطبخ ام رامي يقول...

الله يسلمك اختي
والله سالوني كثير عن البديل لكن صراحة ام القى ممكن تستعملي علبة مشروبات نتاع ريد بول

غير معرف يقول...

يعطيك الصحة يا ام رامي لكن والله مفهمتش شغلة مع انا جديدة في المطبخ القالبلي تدخليه للفرن ثاني تغلفيه ارجو التوضيح

مطبخ ام رامي يقول...

القالب تدخليه للفرن بلا ما تغطيه كي يطيب وتخرجيه من الفرن رشي عليه الجبن المبشور

غير معرف يقول...

yaaaa saaaaaaaaaaaalaaaaaaaaaaaaaammmmm



ra3aa
ya3tik saha om rami

غير معرف يقول...

هااااااااااااايل يعطيك صح

غير معرف يقول...

بارك الله فيك امتعتنا واسعدتنا بوصفاتك الله يسعدك ان شاء الله

غير معرف يقول...

بارك الله فيك يا اختي ام رامي ربي يحفظو ويجعلو من حفاظ القران .لقد استفدت من وصفاتك الرائعة جدا

غير معرف يقول...

ابدااااااااااااااااااااااااااااااااااع

غير معرف يقول...

ما شاء الله شاف ام رامي ربنا يحفضك من العين كل وصفاتك فن.

إرسال تعليق

ملحوظة: يمكن لأعضاء المدونة فقط إرسال تعليق.

من مواضيعنا

 
تعريب وتطوير مدونة الفوتوشوب للعرب
مدونة ام رامي للطبخ © 2010 | عودة الى الاعلى