6
بريووووش هااايل


السلام على الاحباب
هاذي وصفة للبريوش هايلة هش وخفيف

 الطريقة والمقادير
في صحن عميق حطي 3بيضات + 2كاس حليب دافء + كاس زيت + نصف كاس سكر +3ملاعق صغيرة ملح + ملعقة كبيرة خميرة الخبز + كيس خميرة كيميائية وخلطي جيداا بواسطة شوكة





ثم اضيفي الفرينة بالتدريج ومع الخلط بواسطة ملعقة حتى تتحصلي على عجينة رخوة وتلصق في اليدين


غطيها بكيس نايلون وفوقه قماش وخليها تخمر مليح حوالي ساعة




فشيها بيدك فقط ودخلي فيها الهواء مليح دون العجن وخليها تخمر مرة ثانية


وزيدي الثالثة وزيدي الرابعة
ملاحظة : الخمرة الثانية والثالثة والرابعة تكون سريعة وما تديش الوقت بزااف
بعد الخمرة الرابعة ديري زيت في يديك وشكلي كريات صغيرة اقسمي العجينة على 12
او شكلي كيما تحبي حلزونات او وردات


خليهم يرتاحوا حوالي ساعة يخمروا مليح ثم ادهنيهم ببيضة كاملة + شوية حليب سائل
شوية سكر وذري الجلجلان او السنوج


وطيبيهم في الفرن وحمريهم من فوق وهاهي جاهزة





تحبي تحشيهم بالكريم باتيسيير او المربى او نوتيلا



او تحشيهم قبل ما تطيبيهم بالشكولا


شهية طيبة

6 التعليقات :

غير معرف يقول...

hadi raw3a lazam nsayiha

غير معرف يقول...

السلام عليكم اختي ام رامي بارك الله فيك والله جربته وجاني هااااااايل ونجحلي وهذا وين ريحت وعجوزتي قلتلي هيل يعطيك الصحة وربي يحفظك لحد الان جرب زوج اطباق تواعك ونجحولي ومازل الخير ان شاء الله الله يسعدك يارب

سارة يقول...

الله يعطيك و يهنيك يا لفحلة راني جربت قداه من وصفاتك منها هدي و كامل صلحو و هبلو عليهم خاصة هدا ولينا كامل نفطرو بيه كل يوم

غير معرف يقول...

رب يباركلك في صحتك وزوجك و أطفالك يا أم رامي

غير معرف يقول...

walahi salimat yadak ya fanana rabé yahafdek

غير معرف يقول...

ربي يبارك فيك يا ام رامي والله وصفاتك فور وكا ما نحتاج حاجة لازم نديها غير من وصفات لانو وصفات ما شاء الله ناجحين ربي يعطيك ما تتمناي جربت البريوش وفلان الطبقات وموسكوتشو وبعض من حلويات العيد

إرسال تعليق

ملحوظة: يمكن لأعضاء المدونة فقط إرسال تعليق.

من مواضيعنا

 
تعريب وتطوير مدونة الفوتوشوب للعرب
مدونة ام رامي للطبخ © 2010 | عودة الى الاعلى