13
البــــــــقـلاوة

السلام عليكم ورحمة الله وبركاته 
 نعطيكم طريقتي في تحضسر البقلاوةالعادية وبقلاوة القطايف
 على بركة الله نبدا 

 البقلاوة العادية

العجينة
3 كيلات فرينة كيلة نشاء كيلة مرغرين ذايبةو باردة قطرات خل وقرصة ملح ونعجنها بماء زهر ونقسمها كوريات ونغطيها بكيس نايلون ونخليها ترتاح





الحشو
3 كيلات كوكاو كيلة سكر ناعم معطر لوز مر ومعطر لوز حلو وعصير وزاست حبتين ليمون وماء زهر و3 ملاعق كبيرة زبدة ذايبة 



الطريقة
نحلل 6 كريات من العجينة باستعمال النشا  




ثم ندهن بيناتهم بمرغرين التوريق صالحة ونحطهم كامل فوق بعض 


 نخلي المرغرين تنشف ونحل العجينة ونفرشها في الصينية المدهونة
ونثقبها مليح بالشوكة ونفرش فوقها الحشو ونسوي سطحه مليح 



نكمل الخمس كويرات الاخرى بنفس الطريقة
ونحطهم فوق الحشو
ندهن السطح بمرغرين التوريق ونقطعها  
 نزين بوريدات ونثقبهم 




 نطهيها في الفرن ونحمرها من فوق وبعد ما نخرجها نسقيها مباشرة بعسل ثقيل مضاف اليه القليل فقط من ماء زهر
ونخليها في البلاطو ليلة كاملة بعد ما نغطيها وفي الغد نحطها في الكيسات 




بقلاوة بالقطايف 

نحل ثلاث كريات باستعمال النشاءوندهن بيناتهم بمرغرين التوريق وخليها تنشف ونحل كل العجينة ونقطع دوائر ونحطهم في القوالب



نحط شوية حشو ثم شوية قطايف ونسكب فوق كل واحدة قليل من السمن الذايب 



نطهيهم في الفرن وفور خروجهم نسقيهم بالعسل ونزين بالبيستاش 






بالصحة والهناء

13 التعليقات :

Mouna يقول...

ما شاء الله لا قوة إلا بالله

Unknown يقول...

ابداااااااااااااااااع يا ام رامي تسلم الايادي

غير معرف يقول...

السلام عليكم يعطيك الصحة .كي تطلي الطبقة الفوقانية اي الوجه ما تطيرش بعد الطهي
ام انوسة

غير معرف يقول...

أم رامي أريد أن أسألك عن الحشو ، كيف أستطيع أن أعرف الكمية؟

مند مدة جربت البقلاوة الدوق كانت رائع لكن الشكل كارثة حيث كان الحشو ثلاث مرات المفروض.

أنتظر الإجابة من فضلك

غير معرف يقول...

يا ام رامي فهميني الكرات الستة نحلهو عل اساس عجينة وحدة ولا ركيفاش وكي نحلوهم نحلوهم رقاق وبالنسبة للحشو معطر اللوز كم استعمل بالتقريب لاني لم استعمله من قبل

Unknown يقول...

بالنسبة للحشو لازم من البداية تكيليه حطي الكوكاو في الصينية على الارتفاع المطلوب ومن بعد نحيه واضيفي له السكر وماء زهر
الكرات تحلل اولا قطع صغيرة وتدهن بالمرغرين واحدة فوق واحدة ثم تحليهم مع بعض وتكون العجينة رقيقة شوي
معطر اللوز استعملي ملعقة صغيرة

غير معرف يقول...

يا ام رامي انا البارح جربت البقلاوة لكن مجتنيش مقرمشة قوليلي يا ام رامي في الفرن نشعللها غير من الاسفل ولا كيفاش وكم تستغرق من الوقت ارجوطي مرة اخرى حطينا حتى الوقت واذا طيبيها في الفور تاع الالغاز قولينا اذا نشعلو من الفوق فقط لانو في بنات هذه اول تجربة في المطبخ مع وصفاتك

غير معرف يقول...

ماهي ابعاد المول اللي درتيه او قداش قطعلك نحبة ............او كيفاش كيلتي الفرينة بش تكفي للمول تاعك

Unknown يقول...

baraka allaho fik ya3tik elssaha okhti hadha wach kont nhawas chokran

غير معرف يقول...

شكرا ام رامي رايحه نجربها ونرجعلك الخبر عجبتني العفسه تاع القطايف

Unknown يقول...

ام رامي انا جربت البقلاوة تاعك بصح العجينة تلصق بزااف كي نحلها و تتفرتت عيشك اشرحيلي ملييح وين المشكل تاعي

hiba يقول...

وااااااااااااااااو ما شاء الله روعة و فن يا اختي يعطيك الصحة ان شاء الله نديرها في هذا العيد و نرجعلك بالخبر ان شاء الله تنجحلي

فطوم يقول...

بارك الله فيك اختي

إرسال تعليق

ملحوظة: يمكن لأعضاء المدونة فقط إرسال تعليق.

من مواضيعنا

 
تعريب وتطوير مدونة الفوتوشوب للعرب
مدونة ام رامي للطبخ © 2010 | عودة الى الاعلى