8
المطلووووووع


السلام عليكم ورحمة الله وبركاته
تحية عطرة للجميع اتمنى تكونوا بخير
وصفتي للمطلوع
على بركة الله نبدا
انا نكيل عيني ميزاني حسب الكمية اللي راح نديرها
راني وضحت المقادير هنا في القصعة باه تشوفوها مليح

سميد نوعية رفيعة مش اي سميد يصلح مطلوع لازم تجربي وتشوفي
شوية فرينة بيضة وملعقتين كبيرتين خميرة الخبز مع ملعقتنين صغيرتين سكر
نحددحجم القرصة ونحط لها شوية زيت وشوية ملح
سينوج وحبة الحلاوة





نطلع الخميرة وحدها في ماء دافء ونمزج بقية المقادير بالماء الدافي وتكون العجينة متماسكة


ثم نضيف الخميرة ونعجن انا عجنتها في العجانة مع اضافة الماء الدافء اذا احتاجت العجينة وحسب نوعية السميد كاين اللي يشرب وكاين اللي ما يشربش






هاهي معجونة نغطيها بكيس بلاستيكي ونخليها تخمر


نضيف لها قطع مرغرين طرية ونزيد نعجنها مليح


نشكلها كريات ونخليها زوج دقايق ترتاح


ثم نقرصها ونغطيها


ومباشرة ننصب الطاجين بمجرد ما يسخن نبدا نطيب ما تخلوهاش تخمر ياسر تحطوها في الطاجين تهبط لازم تخمر نص خمرة فقط راهي تطلع في الطاجين


هاهو المطلوع جاهز وبالصحة والهناء


شهية طيبة

8 التعليقات :

Unknown يقول...

rawe3a ya3tiki essa7a

Unknown يقول...

merci bcp

Unknown يقول...

يعطيك الصحا ديما ندير مطلوع وميجنيش مليح بصح كي جربت نتاعك جاني هايل

غير معرف يقول...

شكرا جزيلا .ممكن تعطيلي وصفة الخفاف او السفنج .كل وصفة من عندك نديرها و عيني مغمضين.الله يجازززززززززززززيك.انتضر الرد
ام انوسة

Unknown يقول...

العفو اختي
شوفي الوصفة في قسم المعجنات

غير معرف يقول...

سلام ام رامي
من فضلك قداه الوقت تخليها تخمر

غير معرف يقول...

السلام عليكم و الله غير بكيتيني يا أم رامي أنا خطوبة عندي عامين و ما حبيتش نتزوج غير على جال الطياب ما نعرف ندير والو راجلي ماعلابالوش كال مرة نتهرب من الزواج على جال الطياب لقيت المدونة نتاعك بصح ماعرفتش منين نبدا راني زيرو في الطياب الكوزينة نشوفها غير نبغا ناكل

جزاك الله خيرا

حكيمة خ

غير معرف يقول...

يعطيك الصحة ام رامي جربتو جا هايل

إرسال تعليق

ملحوظة: يمكن لأعضاء المدونة فقط إرسال تعليق.

من مواضيعنا

 
تعريب وتطوير مدونة الفوتوشوب للعرب
مدونة ام رامي للطبخ © 2010 | عودة الى الاعلى